The Mountain (te reo Māori)
NZ release: 28 March 2024
E tūtohu ana kia ārahi ngā mātua i ngā tamariki ririki Rated on: 27 March 2024
Te Maunga
He aha te kaupapa?
Ka whai The Mountain i te haerenga o ētahi tamariki tokotoru kua tūhonohono inakuanei. E tino whakapono ana a Sam, tekau mā tahi ōna tau, mā tōna maunga, mā Taranaki e whakaora tana māuiuitanga me te tūhono i a ia ki te whakapapa e ngākau nuitia ana e ia. I tūtaki ia ki ngā hoa e rua i tōna haerenga. Ka whai mai ēnei tokotoru takarepa pai rawa atu i te wheako o te tūmomo hoatanga e panoni ana i tō ao mō āke tonu.
Ngā meka
- Ko Rachel House te ringatohu
- Te reo Māori me te reo Ingarihi
- Wā whakaatu 89 miniti
- I whakaahuatia ki Taranaki, Aotearoa
He aha i whiwhi ai i tēnei whakatauranga?
I whakatauhia tēnei kiriata e te Film and Video Labelling Body.
Ko te tikanga o te whakatauranga PG e tūtohu ana kia ārahi ngā mātua i ngā tamariki ririki. He pai noa iho tēnei kiriata mō te katoa, engari kua tohu mātou i ētahi kaupapa me mataara.
He ihirangi ka whakararu pea i te tangata
Ka whai te kiriata i ngā tamariki e toru, kua 11 te pakeke, i runga i te haerenga pakeketanga me te oma atu kia haere ki te ngahere, ahakoa kāore he pakeke. I te wā e haere ana ka pā mai ētahi āhuatanga āhua whakamōrea pērā i te whakawhiti i te arawhiti tārere kua katia kia whakatikahia, te tahu i te ahi, me te moe ki waho. Ka manaaki ngā kiripuaki i a rātou anō i te āhua tautoko, angitu hoki.
Kei te whākorekore te kiripuaki matua mō tana tautohu mate pukupuku, ā, ka pakiha i te hōhipera kia whakatutuki i tana moemoeā kia piki i te maunga Taranaki. Ahakoa ka kōrerotia te mate pukupuku, he tūpato te tonu te kōrerotanga. Kāore i te tino māuiui te āhua o te kiripuaki matua. Ka kite mātou i a ia e tūngāngā ana i te wā e hīkoi ana, ā, i muri iho e takoto ana i roto i te moenga. Ka kī tētahi atu kiripuaki i mate tana māmā i te mate pukupuku. Kāore e taea e ngā tamariki te mārama pea i te taimaha o te māuiuitanga, hāunga kua pāngia rātou e te mate pukupuku i tō rātou ake ao.
He takarepa ngā pakeke i tēnei kiriata, ahakoa he ngākau pai ō rātou. Ka whakaaturia te whāngai matua mākoha e ia kaitiaki ki ngā āhuatanga iti. Ka whai wheako hoki ngā mātua i ō rātou ake haerenga pakeke kia whakaae rātou e tipu ake ana ā rātou rangatahi, ā, kua kitea te ngākau titikaha me te tū motuhake hou nā runga anō i te hononga hei hoa.
E whakatenatena ana mātou kia mātakitaki ngātahi te whānau i te whakaari me te kōrero e pā ana kia ngā whakaaro me ngā kare ā-roto e puta mai ana i a mātou e mātakitaki ana i te mata whakaata – otirā, e aro ana ki ngā kaupapa nui pērā i te hononga ki ō tīpuna, te māuiui me te mate.
Ētahi atu mōhiohio
Recent featured decisions
Violence, drug use, sex scenes, and offensive language
When Belfast teacher JJ crosses paths with self-confessed "lowlife scum" Naoise and Liam Óg, an unexpected alliance forms, leading to the rise of the Irish rap group Kneecap. This comedy-drama follows their journey as they rap in their native Irish language and ignite a movement to preserve their mother tongue, fueled by their shared love for their heritage.
Violence, offensive language, sex scenes, nudity, suicide and content that may disturb
A Different Man is a film in which a shy and insecure actor with a disfiguring medical condition misses out on the acting role, and life, he always wanted after he undergoes an experimental medical treatment that cures his condition.