Red, White and Brass (te reo Māori)
NZ release: 23 March 2023
Rated on: 23 March 2023
He aha tāna kaupapa?
He tino kiriwhakamiha a Maka nō te tīma whutupōro o Tonga, otirā ka nanaiore ia e riro mai ai he tīkiti ki te kēmu Ipu o te Ao i waenga i a Tonga me Wīwī – tae atu ki te oati ki te whakarite pēne parāhe mō te whakangahau i mua i te kēmu.
Ko te raru kē, kāore ōna pēne parāhe, ā, e whā wiki ki a Maka ki te whakarite pēne.
Ngā meka
- Kaitohu: Damon Fepulea‘i
- Wā whakaatu: e 85 mineti
- Te Reo Māori me te Reo Tonga
- He kiriata nō Aotearoa me Tonga, i mahia i runga i ngā tautoko a te hapori Tonga o Pōneke
- He mea whakaawe tonu e te kōrero pono.
He aha i pēnei ai te whakatauranga?
I whakatauria tēnei kiriata e te Film and Video Labelling Body. Ka taea e koe te rapu mōhiohio anō mō te whakatauranga ā-whiti ki konei.
Ngā kaupapa pakeke
He nui te aronga ā-hapori o te tāhū ā-paki ki te wā ā-whānau, i te taiao o te whare karakia. Hei mema o te whakaminenga Karaitiana, he nui te aro ki te haepapa me te whakarato i te Atua, hei wāhanga o ā rātou kiripuaki.
I tētahi kāpeka, ka whakaaturia te pāpā o te whānau e tohutohutia ana e te kaiārahi o te hāhi, otirā e mārama ana te kitea he nui tōna mana. I muri iho ka whakaaturia te pāpā e whakatau ana ko te whānau kei runga ake i te Hāhi, ā, ka whai hua ai te katoa i te mutunga iho i taua whakataunga rā.
Tērā ētahi wā ngāwari, e ngana ana a Maka ki te karo i ngā mahi kīhini, ki te āwhina rānei ki te whakapai i te whare karakia, ā, e puku ana te rae o te whānau, kāore rānei i te rata ki āna mahi, engari ko āna mahi karo, he hangareka, ā, kāore noa he hua.
Mafana
Kei roto i te kiriata nei e whakanuia ana te nui whakaharahara o te whakahī o te iwi o Tonga ki tō rātou whenua me tō rātou ahurea. He pukahu te nui o te Mafana puta noa i te kiriata nei.
Ko te whakamārama ake a Halaifonua (Nua) Finau, te kaituhi-ngātahi, te tumu whakaputa hoki o Mafana: "ko te whakamāoritanga, ko te mahanatanga, te āhua rānei o te mahana o tētahi mea. Engari he rongo ā-wairua kē tēnei, o te pokea e aua kare ā-roto o te whakahī, o te harikoa, o te ihiihi hoki, e whakakotahi ana kia tae rawa atu ki tōna karamatamata".
He mōhiohio anō
Recent featured decisions
Domestic violence, sexual violence, self-harm, wound detail, cruelty and sex scenes
A young woman on parole lies her way into a housemaid position for a wealthy family. Soon after starting the job, she is subjected to cruelty and manipulation by the family.
Fallout, Season 2
Season 2, Episode 1
Graphic violence and offensive language
200 years after the apocalypse, the gentle denziens of luxury fallout shelters are forced to return to the incredibly complex, gleefully weird and highly violent universe waiting for them above.