Muru (te reo Māori)
He taikaha, he reo mōrihariha Rated on: 05 December 2022
He aha tōna kaupapa?
I te whakarewanga o te whakaeke mau pū ki tētahi hapori tuawhenua o Te Urewera, me kōwhiri a Heihana 'Taffy' Tāwharau (Cliff Curtis) i tana tūranga mahi, i tana iwi rānei.
Ngā meka
- Ko Tearepa Kahi te ringatohu (Mt. Zion, Poi E: The Story of a Song).
- Reo Ingarihi me te reo Māori
- Wā whakaatu: 104 mineti
- He mea whakahihiri e te whakaeke ā-pirihimana ki runga o Ngāi Tūhoe i te 2007
He aha i pēnei ai te whakatauranga?
Te taikaha
He mau pū, he whawhai ngā kiripuaki i roto i te kiriata.
E rua ngā kāpeka tino taikaha e whakaatu ana i te mau pū. Tokorua ngā kiripuaki ka pūhia e te kaiwhakakeko, ko tētahi ki te upoko tonu. Ahakoa kāore i whakaaturia ngā taotū, e kitea ana te toto i runga i te karaehe, ā, ka whakaaturia he tinana korou-kore i muri iho.
I roto i tētahi atu kāpeka taikaha, e rua ngā kiripuaki e taki whawhai ana. Ko te mutunga iho ka heipū te pū hurihuri ki te waha o tētahi.
He nui te kitenga o te toto i roto i te kiriata, otirā i roto i ngā kāpeka whawhai. E pokaia ana tētahi o ngā kiripuaki ki te tango i te matā i tōna tuarā. Ahakoa kāore e whakaaturia ana ā-tiro tata te taotū, he nui tonu te toto i tētahi kāpeka poto.
Te reo mōrihariha
He iti noa te kangakanga i roto i te kiriata, pēnei i a “f**k” me “sh*t”. E whakaaturia ana ētahi tohutohu taikaha pēnei i te tohu o te ringa o te kiripuaki.
kiri kau
Ka whakaaturia ngā ū o tētahi wahine i roto i tētahi kāpeka.
He mōhiohio anō
Recent featured decisions
Drug use, offensive language and mental health themes
Better Man is based on the incredible journey of British pop superstar Robbie Williams: from his meteoric rise to fame, through a dramatic fall, to his remarkable comeback.
